KIX Nuusbrief: Derde Kwartaal 2020

Goeiedag! Die KIX span groet jou met groot vreugde!

Ons is nou lank genoeg in inperking om te weet dat elke week anders is. Party weke sien jy kans vir enige ding en pak nuwe avonture aan: leer ‘n nuwe vaardigheid, probeer ‘n nuwe resep, oefenprogram of familiegewoonte. Die week daarna hoop die strykwerk en skottelgoed op en kort jy ‘n nuwe dieet. Gelukkig kan ons in hierdie tyd ook mekaar help deur te sê: jy hoef nie elke dag ‘n reus te oorwin nie! Selfs Dawid het op tye weggekruip vir sy vyande eerder as om hulle aan te vat! Ons weet nie hoe jy hierdie week voel nie, maar ons wil sê: ons weet, ons deurleef dit ook! Dit is okay om nie altyd okay te wees nie.

Ons deel graag hierdie “kwartaal” se KIX materiaal met jou. Deel dit gerus met jou groepleiers en gesinne.  Die voordeel van ons KIX materiaal is dat dit met min moeite en minimale aanpassing sommer deur ouers in gesinne ook gebruik kan word.

Ons begin sommer ons nuusbrief met ‘n toerusting-video wat vir groepleiers en ouers verduidelik hoe die elemente van ‘n KIX ontmoeting werk.
Geniet dit!

Byeenkoms:
Almal is ontwrig deur die lockdown. Gesels met mekaar oor die volgende:

Elkeen skryf nou ‘n woord/e op hulle klip neer wat hul aan hulle eie laste laat dink.
Hou die klip vas terwyl jy jou laste met God deel.

Lees nou Psalm 103:1-5 saam. Jul kan die lied ook sing as jul dit ken.
Deel met mekaar:

Neem nou ‘n veer in die hand as ‘n herinnering aan die belofte wat God vir ons gee dat Hy vir ons die krag van ‘n arend gee.
Bemoedig mekaar.
Sluit af met ‘n dankgebed.

Dit bevat ‘n daaglikse podcast (potgooi) met ‘n huisgeloof oordenking wat families kan help om saam te gesels oor die Bybel, geloof en die lewe. Gesinne kan saam bid en die aktiwiteite doen om hul geloof en verhoudings te versterk.
Dit behoort so tussen 5 en 15 minute te neem.
Gesinne met voorskoolse kinders sou dit maklik self kon aanpas, deur byvoorbeeld die teks in ’n Kinderbybel op te soek.Die nuutste reeks is “Dissipels van Jesus” en sal families help om te gesels oor dissipelskap.